قصيدة الأقصى أخيراً - بقلم الشاعرة نسمة عزت

كلمات قصيدة الأقصى أخيراً :

( الأقصى اخيرا...؟!) 

بعد جراح وسنين احزان 

شوفتو ازاي طاير فرحان

اتوحدتو ازاي وفي ثانيه

حررتوني م السجان

واخيرا مبقاش في مضايقه

في حريه في رايحه وجايه

بقى من كل بلاد الدنيا 

رحال الناس بتشد اليا

جايين بيقولو الله أكبر

  الأقصى اخيرا اتحرر

شافو وشي الباهت نور

والزرع الميت بقى اخضر

بتصور سيلفي و في الصوره

نفسي بتضحك مش مكسوره

ومسامح كل الناس يمكن

يمكن كانت يوم معزوره

ودي كانت رؤيه في منامي

وصحيت بتوجع بالامي

والصوره الحلوه اللي بتضحك

متقطعه متداسه قدامي

كلمات نسمه عزت

فيديو قصيدة الأقصى أخيراً بصوت الشاعرة نسمة عزت:

يمكنك الآن نشر موهبتك أياً كانت رسم، شعر، مونتاج، تصميم على الفوتوشوب، غناء، مسرح وتمثيل أو أى موهبه أخرى. من خلال الموقع من هنا.