جينالك يا دنيا فى لفه ..بقلم مريم فايق

جينالك يا دنيا فى لفه ..بقلم مريم فايق

جينالك يادنيا فى لفه

وهنمشى منك فى لفه

وبين اللفه واللفه

لفينا فيكى ودخنا

وياريته جه بفايده

لفينا زى ساقيه

بس الميه مُره

خلت قلوبنا ناشفه ومشتاقه للمحبه

وكل مانقول خلاص نهاية اللفه جايه .. نلاقى اللفه طالت والدنيا آه بتضحك .. يادنيا نفسى أسيبك وأروح لدنيا تانيه ..

مش محتاجه ألف فيها وأقول فينك يا حب .. علشان الحب فيها ساكن فى كل قلب

وفيها الضحكه صافيه مش زى الضحك فيكى .. أصفر وطعمه مُر !!

بس عليكى هاصبر لغاية ماللفه تخلص ساعتا أقول وداع..

خلاص يا دنيا ماشيه ، صحيح فى لفه ماشيه بس لفه عن لفه تفرق

بقلم مريم فايق