اللى انت كسرته فيا كان صعب للأسف .. بقلمى البسيط لمن دمر الباقى لى من حياتى .. ميخائيل عوض
اللى انت كسرته فيا كان صعب للأسف
استهترت بمشاعرى وقلبى خلاص اختلف
كنت عايش دايما وحدى فى وسط همومى انا مرتاح
صعبتها اوى عليا ومليت كل حياتى جراح
اخرتها مبقتش اهمه ازاى دا مفيش كدا
قالى هوانا غلطه من اول ما ابتدا
مش هيآمن قلبى تانى لأى حب جديد
منا عديت فتره صعبه ورجعت تانى وحيد
مش مكتوبلى السعاده قولتلى هعوضك
ودلوقتى بتحاول تقنعى قلبى انه يرفضك
ادى اخرة اللى يمشى دايما ورا الاحساس
انا كل ما افتكر اللى بينا بعتب على الاخلاص
انا بعدك فعلا بموت سيبانى بس لمين
قولتلك مستحيل انساكى حتى ولو بعد سنين
دايما بقول لقلبى انا مرتاح وبكون كداب
كل يوم بيعدى بتزيد حياتى عذاب
حاولت كتير انساها واعود نفسى على بعدها
عقلى دايما بيوافق وقلبى مقدرش استغنى عنها
وجودك فعلا مهم فى حياتى
ارجعيلى بقى ووقفى كل عذاباتى
بقلمى البسيط لمن دمر الباقى لى من حياتى
ميخائيل عوض
0 comments:
إرسال تعليق